"1 Мамыр – Қазақстан халықтарының бірлігі күні!" Ересек Қыран тобының іс-шарасы

1 Мамыр – Қазақстан халықтарының бірлігі күні!

1 Мамыр – көпұлтты еліміздің ынтымағы мен достығын, бейбіт өмірін паш ететін айтулы мереке. Осыған орай балабақшамыздың «Ересек Қыран» тобының бүлдіршіндері мен тәрбиешілері ерекше мерекелік іс-шара өткізді.

Іс-шараның мақсаты:
Балаларға Қазақстанда тұрып жатқан әртүрлі ұлт өкілдері туралы түсінік беру, өзге ұлттардың мәдениетін құрметтеуге тәрбиелеу, достық пен бірлікке баулу. Сонымен қатар, жас ұрпақтың бойында отансүйгіштік сезімін қалыптастыру, ұлттық құндылықтарды құрметтеуге үйрету.

Іс-шара барысында бүлдіршіндер түрлі ұлт өкілдерінің киімдерін киіп, сол халықтың әні мен биін орындады. Әр баланың бейбітшілік, достық, татулық туралы өлеңдері мен көріністері көрерменнің жүрегінен орын алды.

Бұл шара арқылы балалар еліміздегі ұлттар достығының маңызын тереңірек ұғынып, бейбіт өмірдің бағасын түсінді. Ал ата-аналар мен қонақтар бүлдіршіндердің өнеріне тәнті болып, мерекелік көңіл күймен тарасты.

Бірлік бар жерде – тірлік бар!
Достығымыз мәңгі жасасын!